سعر الذهب يواصل الصعود بعد قرارات ترامب ورسوم الجمارك الجديدة
شهدت اسعار الذهب النهارده الخميس في مصر قفزة جديدة، بعد التحديثات الأخيرة اللي حصلت بالتزامن مع إعلان ترامب فرض تعريفات جمركية جديدة، واللي كان ليها تأثير واضح على السوق وصل سعر جرام الذهب عيار 24 لـ 5451 5 جنيه، نتيجة لارتفاع الأسعار عالميًا والتقلبات اللي حصلت في البورصة.
الذهب عالميًا سجل قفزة كبيرة امبارح، وارتفعت العقود الآجلة لأعلى مستوى لها بـ 3,358 دولار للأوقية، وأغلقت على 3,346 4 دولار بنسبة ارتفاع 3 27% أما العقود الفورية فزادت بنسبة 3 8% وسجلت 3,353 48 دولار، وأغلقت عند 3,350 27 دولار للأوقية.
الصعود ده حصل بعد تصاعد التوترات التجارية ما بين أمريكا والصين، وكمان بعد تصريحات رئيس الفيدرالي الأمريكي اللي لمح فيها إنه مش ناوي يخفض الفايدة قريب، وإن في مخاوف من التضخم وارتفاع البطالة.
الذهب بيفضل دايمًا ملاذ آمن وقت الأزمات، وعلشان كده حقق مستويات قياسية السنة دي، وزاد أكتر من 25% وبيأكد المحللين إن الأسعار هتفضل متذبذبة الفترة الجاية، وممكن تكمل في الصعود طالما الوضع العالمي مش مستقر.
الخبراء بينصحوا الناس تتابع الأسعار كويس قبل ما يقرروا يشتروا أو يبيعوا، لأن الأسعار في مصر بتتغير كل شوية حسب البورصة والعرض والطلب.
