درة تتألق بفستان أسود بسيط وتحضر عرض فيلمها الجديد
خضعت النجمه التونسيه دره لجلسة تصوير جديده ظهرت فيها بفستان لونه اسود ضيق وطوله متوسط، من تصميم ماركة Mabouch وسعره يوصل لـ290 دولار يعني حوالي 14 ألف و800 جنيه مصري.
الجلسه صورها المصور المعروف أحمد عبد الوهاب، وظهرت دره وهي واقفه جنب مكتب وأوراق طايره حواليها، ولبسها كان بسيط وشيك.
ومن ناحيتها عدلت حاجه بسيطه على الفستان وقفلت فتحة الصدر الطويله اللي كانت على شكل حرف V علشان تناسب ستايلها.
درة حضرت مؤخرًا عرض فيلمها الجديد “وين صرنا؟” ضمن فعاليات مهرجان أيام قرطاج السينمائي، واللي كان حضور جماهيري كبير، من بينهم المخرج الفلسطيني رشيد مشهراوي.
الفيلم ده بيعتبر أول تجربة إخراج وإنتاج لـ درة زروق، ومدته 79 دقيقه، وبيحكي عن “نادين” الست الفلسطينيه اللي هربت من غزة بعد الحرب، ومعاها بنتين توأم، وبتنتظر جوزها يوصل بعد شهرين.
الفيلم اتعرض كمان في مهرجان القاهره السينمائي في دورته الـ45، ضمن قسم آفاق.
وظهرت دره على الريد كاربت مع أبطال الفيلم بالزي الفلسطيني، وكان جوزها هاني سعد معاها بيدعمها.
