احمد سعد يشعل حفل سيترون C4X ويحتفل بنجاح ألبومه الجديد
احمد سعد احيا حفله خاص كان منور فيه بأغانيه في اطلاق سياره Citroën C4X الجديده، واللي اتعمل قريب وسط اجواء حماسيه ومزيكا عاليه.
وظهر احمد سعد في الحفل بلوك مختلف، لبس كاردجيان صوفي شيك مع بنطلون جينز وقميص ابيض وكرافت بسيطه، خلطه بين الكلاسيك والكاجوال خلت حضوره ملفت زي العاده.
من ناحيه تانيه، نزل سعد اغنيته الجديده “خط احمر” دعمًا لموقف مصر الرسمي ضد تهجير الفلسطنيين، واللي جابت تفاعل كبير على السوشيال ميديا.
الاغنيه من كلمات والحان عزيز الشافعي وتوزيع اسامه الهندي، والإخراج كان لأكرم فاروق.
كمان سعد احتفل بنجاح ألبومه الجديد “حبيبنا” في فندق كبير في 6 اكتوبر وسط حضور نجوم كتير من الوسط الفني.
الألبوم بيضم ٩ اغاني متنوعه ولاقى اعجاب كبير من الجمهور.
أحمد سعد بيأكد في كل ظهور إنه واحد من أكتر الفنانين تأثيراً وانتشاراً اليومين دول، سواء بأغانيه ولا بمواقفه الانسانيه.
