بوابة التوظيف خطوات الاستعلام عن نتائج الحرس الوطني 1446 بكل سهولة jobs.sang.gov.sa
لو كنت من اللي قدموا على وظائف الحرس الوطني في الفترة الأخيرة، أكيد الحين تنتظر اللحظة اللي توصلك فيها رسالة قبول، أو حتى تشيك على حسابك وتشوف هل انقبلت ولا باقي , وزارة الحرس الوطني أعلنت إن النتائج قربت تطلع، وإن حالة القبول راح تكون واضحة من خلال بوابة التوظيف الخاصة بهم، واللي تقدر تدخلها من الرابط .
وش صار على الفرز؟ ومتى تطلع النتايج؟
التقديم على الوظائف العسكرية كان مفتوح من 5 رجب إلى 9 رجب 1446، واللي سجلوا خلال هالفترة ينتظرون نتائج القبول المبدئي.
مصادر داخل الوزارة قالت إن الفرز قرب يخلص، وإن النتائج راح يتم إعلانها تدريجيًا عبر البوابة الإلكترونية، بدون تحديد يوم معين.
يعني لا تنطر اتصال ولا تنتظر أحد يتواصل معك، كل شيء راح يوصلك بحسابك في المنصة، مع رسالة نصية على جوالك لو تم ترشيحك مبدئيًا.
خطوات بسيطة عشان تعرف إذا انقبلت:
عشان تستعلم عن نتيجتك، اتبع الخطوات هذي:
- ادخل على موقع الحرس الوطني للتوظيف
- 🔗 jobs.sang.gov.sa
- سجّل دخولك بنفس بياناتك
- روح لحسابك واختر “نتائج القبول” أو “حالة الطلب”
- لو انقبلت، راح تظهر لك حالة القبول وموعد المقابلة
وفي حال انقبلت، راح توصلك رسالة تقول:
“تم ترشيحك مبدئيًا في وظائف الحرس الوطني، نرجو زيارة حسابك على البوابة واستكمال الإجراءات”
بس تأكد إن رقم الجوال اللي سجلته فعّال وتستقبل منه الرسائل، لان فيه كثير ما انتبهوا لهالنقطه وراحت عليهم الرسالة.
طيب، انقبلت.. وش تسوي بعدين؟
إذا وصلتك رسالة القبول أو شفت الحالة محدثه بحسابك، فيه شغلات لازم تسويها بسرعة:
- ترفع صورة شخصية واضحة
- تعبي الاستبيان الموجود بحسابك
- تطبع الاستمارة الخاصة بالمقابلة
- تراجع الطلبات المكتوبة وتتجهز لها
- تحضر في الموعد المحدد من غير تأخير
ولو تأخرت أو نسيت ترفع الأوراق أو ما جيت في الوقت، يلغى طلبك مباشرة بدون ما يتواصلون معك , تجنب أي روابط يتم تداولها خارج الموقع الرسمي، خصوصًا اللي تجي من جروبات واتساب أو مواقع غير موثوقة.
