نقابة الفنانين السوريين تشطب سلاف فواخرجي من عضويتها رسميًا نهائيًا
في قرار مفاجئ وصادم للبعض، أعلنت نقابة الفنانين السوريين برئاسة النقيب مازن الناطور عن شطب قيد النجمه سلاف فواخرجي من عضويتها، ودا خلال جلسه مجلس النقابه اللي اتعقدت يوم 15 أبريل 2025.
النقابة قالت في بيانها إن السبب ورا القرار هو “إصرار سلاف على إنكار الجرائم الأسدية وتنكرها لآلام الشعب السوري”، ودا بحسب قوانين النقابة اللي اتعملت سنة 2019، واللي بتقول إن أي عضو بيخرج عن أهداف النقابة بيتشطب قيده.
القرار كمان شمل مادة بتنص على تبليغ كل الجهات المعنيه علشان ينفذوه، وقالت النقابه نصًا: “يشطب قيد الفنانة سلاف فواخرجي لخروجها عن أهداف النقابة…” واستندوا في القرار للمادة 58 من القانون رقم 40.
سلاف كانت دايمًا صريحة في آرائها السياسية، وصرّحت أكتر من مرة إنها مؤيده لبشار الأسد، وقالت في لقاءات تليفزيونية إنها دفعت تمن كبير بسبب موقفها دا، وحكت عن معاناة كتير عاشتها هي وأولادها في سوريا وقت الحرب.
القرار عامل جدل كبير ما بين مؤيد ومعارض على السوشيال ميديا، ولسه النقاشات مستمره.
