فليك يفقد أعصابه بعد مباراه دورتموند ويفكر في تغيرات صارمه
قال الصحفي المعروف فرناندو بولو من جريده موندو ديبورتيفو ان المدرب هانز فليك كان غاضب جداً بعد مباراه برشلونه الأخيره ضد دورتموند، والغضب ده فضل مستمر معاه حتى في تمرين الفريق اللي حصل يوم الاربع.
بولو وضح ان فليك كان حابب يحمس اللاعيبه قبل المباراه وكان بيأكد عليهم ضروره نسيان نتيجه الذهاب واللعب علشان الفوز، لكن اللي حصل عكس كده تماماً، الفريق وقع في أخطاء كتير جداً، وده خلا المدرب الألماني يشعر بإحباط شديد وغضب واضح.
ووضح كمان ان فليك ناوي يكون صارم جداً في الفتره الجايه، ومش هيسمح بأي تهاون ولا كسل، وده هيبدأ من التمرينات الجايه، لإنه شايف إن اللعب بالقميص بتاع برشلونه مش لعب عادي، والمسؤوليه كبيره على كل واحد فيهم.
فليك مش بس زعلان من الخساره، لكن كمان من روح الفريق اللي كانت ضعيفه جداً، وعلشان كده حاطط عينه على المبارتين الجايين قدام سيلتا فيغو ومايوركا، وعاوز يكسبهم علشان يرجع ثقه الجماهير ويعيد الحماس للاعيبه.
كمان المدرب عينه على ريال مدريد، لو خسر أو تعادل في مبارياته الجايه، فليك هيحاول يستغل ده وياخد فرصته علشان الفريق يقرب من المنافسه تاني، خصوصاً إن الجماهير بدأت تفقد صبرها من كتر الإحباط.
