ألفارو بينيتو: أنشيلوتي مظلوم واللاعيبه خذلوه من أول الموسم
خرج ألفارو بينيتو، لاعب ريال مدريد السابق، بتصريحات جديده عن المدرب كارلو أنشيلوتي، وقال فيها إنه حزين جدا على اللي بيمر بيه المدرب الإيطالي الموسم ده، وبيشوف إنه ماتلقاش الدعم الكافي من اللاعبين اللي كان المفروض يساندوه، بس سابوه يشيل الليله لوحده.
بينيتو قال إن الموسم من أول دقيقه كان صعب بالنسبه لأنشيلوتي، ووضح كمان إنه كان بيلاحظ نبره الزعل في كلام المدرب خلال المؤتمرات الصحفيه، حتى لو بطريقه مؤدبه، بس الرساله كانت واضحه، إن الفريق مش شغال كويس، وخط الهجوم مش بيقدي اللي المفروض يعمله، وده خلّى مستوى الفريق كله ينزل.
ألفارو كمل كلامه وقال: “أنا حاسس إن اللاعبين ماكانوش عادلين معاه أنشيلوتي دايمًا بيتعامل معاهم بلطف وثقه، بس للأسف محدش رجعله الجميل الفريق ماكانش قد التوقعات، وسابوه هو يتحمل كل حاجه لوحده”.
واختتم بينيتو كلامه بقوله: “مافيش قدامه غير إنه يتحمل اللوم، بس هنشوف في الآخر الأمور هتخلص على إيه”.
الكلام ده بيأكد إن في ناس لسه شايفه إن المشكله مش كلها في المدرب، وإن اللعيبه كمان عليهم جزء كبير من المسؤوليه في تذبذب أداء الملكي الموسم ده.
