يلا شوف قبضك فين: الاستعلام عن منحة العمالة الغير منتظمة 2025 وخطوات التسجيل دلوقتي قبل ما يفوتك
تاريخ النشر:
منذ 7 يوم
في 2025، الحكومة لسه مكمله في دعمها للناس اللي شغاله باليومية أو بدون عقود، يعني العمالة الغير منتظمة والدعم ده بييجي على هيئة منحة مالية بتساعد الناس اللي ظروفها صعبه ومش لاقيه دخل ثابت ولو إنت من الناس دي، ففرصتك دلوقتي إنك تستفيد من المنحة دي، بس لازم تبدأ بخطوة بسيطة وهي إنك تستعلم وتسجل صح ومتأجلش الموضوع، لأن المنحة دي ممكن تفرق معاك جامد.
تسجيل منحة العمالة الغير منتظمة
خطوات التسجيل مش معقدة خالص، كل اللي عليك:
- تدخل على البوابة الإلكترونية الخاصة بالوزارة.
- تدور على اختيار “تسجيل العمالة الغير منتظمة” وتضغط عليه.
- بعد كده، هتدخل بياناتك زي اسمك وتاريخ ميلادك وعنوانك.
- لازم كمان تكتب مهنتك، ويفضل تبقى نفس اللي مكتوبة في البطاقة.
- هتحتاج ترفع صورة بطاقتك، وكمان مستند يثبت إنك بتشتغل المهنة دي فعلًا.
- راجع كل البيانات كويس جدًا قبل ما تضغط إرسال، علشان أي غلط ممكن يأخر الطلب.
- بعد ما تبعت الطلب، هيوصلك رقم تسجيل.. خلي بالك منه لأنك هتحتاجه تتابع بيه بعدين.
إيه الشروط عشان تستحق المنحة؟
- تكون مصري، طبعًا.
- سنك ما يقلش عن 20 سنة ومايزدش عن 60.
- ماتكنش مأمن على نفسك في التأمينات.
- مهنتك لازم تكون نفس اللي في البطاقة، وماتكونش شغلانة وهمية.
- ميبقاش عندك سجل تجاري ولا بطاقة ضريبية.
- كمان، متكونش بتستفيد من أي دعم حكومي تاني في نفس الوقت.
- لازم تحدث بياناتك أول بأول.
لو كل الشروط دي موجودة فيك، يبقى إنت مؤهل تمام إنك تقدم على المنحة والحكومة بتستهدف من الموضوع ده إنها ترفع العبء عن الناس اللي بجد محتاجه، وبتحاول توصل الفلوس لمستحقيها.
الفرصة قدامك، ومش لازم تضيعها يلا سجل دلوقتي وخد خطوة تساعدك تخفف شوية من الحمل اللي على كتافك والدنيا مش سهلة، والمنحة دي ممكن تفرق مع ناس كتير، يمكن إنت واحد منهم.
أحدث الأخبار
saudionportal.com
