ميليتاو يقترب من العودة لريال مدريد في توقيت مهم قبل كأس العالم
وفقًا لصحيفة ماركا الإسبانية، المدافع البرازيلي إيدير ميليتاو اقترب جداً من العودة للملاعب مع ريال مدريد بعد غياب طويل بسبب إصابة كبيرة في الرباط الصليبي اللي أصيب بيها في بداية الموسم، وتحديدًا يوم 9 نوفمبر الماضي.
خلال فتره تعافيه، ميليتاو عمل بجهد كبير وعزيمه علشان يقدر يرجع في أسرع وقت، والآن الأخبار بتقول إن فيه إحتمال كبير إنه يكون جاهز للمشاركة في كأس العالم للأندية اللي هتتحدد يوم 18 يونيو الجاي.
الجهاز الفني بقيادة كارلو أنشيلوتي بيراقب حالة ميليتاو عن قرب، ومفيش نية لتسرع في الدفع بيه في المباريات علشان ما يحصلش أي انتكاسات في صحته. ومع تقدم حالته بشكل ملحوظ، الكل بقى يتوقع إنه يشارك في المراحل الحاسمة من الموسم، خصوصًا في بطوله زي كأس العالم للأندية، واللي النادي بيعتبرها مهمه جدًا.
بعيدًا عن الجانب البدني، ميليتاو أظهر التزام معنوي كبير وهو بيشارك زملائه لحظات الفوز والهزيمه رغم غيابه، وده ساعد في تقوية الروح الجماعية داخل الفريق.
المدرب أنشيلوتي بيعتبره عنصر أساسي في دفاع الفريق، وعودته هتكون بمثابة تعزيز كبير لخط الدفاع، وريال مدريد مش هيخاطر بإشراكه إلا لو حالته تمام، لكن لو رجع، هيكون إضافة كبيرة في وقت حساس.
