ريال مدريد يفكر يغير كتير بعد الخروج من دوري الابطال
بعد ما طلع ريال مدريد من دوري الأبطال بخروج مش متوقع، زادت التكهنات حوالين المستقبل، والكل بيسأل إيه اللي ممكن يحصل بالصيف.
الفريق ما قدمش أداء يقنع الجماهير، والإدارة واضح إنها ناويه تعمل تغييرات كبيره، سواء بوجود أنشيلوتي أو لو جه حد مكانه زي كلوب أو تشابي ألونسو.
في تقارير كتيره بتقول إن ريال مدريد بيجهز يجيب من ٣ لـ٤ صفقات لتدعيم التشكيله، وبيفكروا في ترينت ألكسندر أرنولد علشان الجناح الأيمن، وكمان بيدوروا على لاعب وسط وقلب دفاع قوي.
مركز الظهير الأيسر لسه مش محسوم، وفي كلام برضه إنهم عاوزين مهاجم كبير لو حد من النجوم مشي.
وفي نفس الوقت، في لعيبه ممكن يمشوا، زي فاييخو، مودريتش، فاسكيز، وألابا، ومعاهم كمان لونين وميندي وفران غارسيا، كل دول مستقبلهم مش واضح، وممكن يفتحوا الباب لقدوم أسماء جديده.
الجمهور مش مطمن، والتحديات كبيره، خصوصًا إن الريال عايز يبني فريق قوي ينافس على كل البطولات.
والكل مستني يعرف مين المدرب الجاي لو مشي أنشيلوتي، وهل اللاعبين الكبار زي فينيسيوس وبيلينغهام هيكملوا دورهم الأساسي ولا هيتغير كل حاجه؟
اللي جاي مش سهل، بس المؤكد إن ريال مدريد داخل على صيف مولع ومليان مفاجآت.
