الهلال يضيق الخناق ع الاتحاد بعد فوز كبير على الخليج بثلاثيه
الهلال قدر يحقق فوز مهم وكبير على الخليج بنتيجة ٣-٠ ضمن الجوله ٢٨ من دوري روشن السعودي، وده الفوز خلى المنافسه على اللقب تشتعل من تاني، خصوصًا بعد هدية الفتح اللي فاز على الاتحاد ٢-٠ وقلص الفارق بين المتصدر والوصيف.
الفارق دلوقتي بين الاتحاد والهلال بقى ٤ نقاط بس، ولسه باقي ٦ مباريات على نهاية الدوري، يعني كل حاجه ممكن تتغير في أي وقت.
الهلال لو كسب كل مبارياته الجايه هيكون رصيده ٧٩ نقطه، بس عشان يتوج لازم الاتحاد يخسر على الأقل ٥ نقاط من اللي جايين.
الهلال عنده جدول مش سهل، هيبدأ بمباراة ضد الشباب يوم ٢١ أبريل، وبعدها هيقابل الرائد بره ملعبه، وبعدين يستضيف العروبة، ويلعب بعدها ضد الفتح والوحدة، وآخر مباراه هتكون قدام القادسيه.
من ناحيه تانيه، الاتحاد هو كمان عنده مواجهات ناريه، هيقابل الاتفاق وبعده النصر، وبعد كده الفيحاء، ودي كلها مباريات صعبه وممكن تكون مؤثره جدًا في سباق الدوري.
الجمهور الهلالي متحمس ومتفائل، وبيشوف إن فرصه التتويج لسه موجوده، خصوصًا إن الفريق بدأ يرجع لمستواه العالي، لكن برضه الكوره مالهاش أمان، وكل نقطه ليها قيمه كبيره في الجولات الأخيره.
الدوري مولع والكل مستني يشوف مين اللي هيرفع الكاس في الآخر.
