باستوني واثق من الإنتر قبل مواجهة برشلونه رغم الترشيحات القليله
المدافع الإيطالي أليساندرو باستوني طلع بتصريحات قويه قبل مواجهة فريقه إنتر ميلان ضد برشلونه في نصف نهائي دوري أبطال أوروبا، وأكد إن الفريق عنده ثقه كبيره رغم إن الكل شايف إنهم أضعف من باقي الفرق الموجوده في المربع الذهبي.
باستوني قال بصراحه: “إحنا أضعف على الورق من التلات فرق التانيه في النصف النهائي، بس كفريق منقدر نغلبهم كلهم. ولو وقفنا نشتغل مع بعض، ساعتها بنغرق.”
وأضاف كمان إن الكلام اللي بيتقال من بره مش بيعبر عن اللي عايشينه جوا الفريق، وأكد: “الناس من بره شايفانا أقل، بس من جوه إحنا واثقين في بعض جدًا. صح إحنا كأفراد مش الأفضل، بس كمنظومه إحنا نقدر نسبب مشاكل لأي حد.”
الإنتر حالياً بيحضر بكل قوه لمباراته المنتظره ضد برشلونه اللي هتتلعب يوم ٣٠ أبريل على ملعب مونتجويك، واللي هتكون جزء من الدور نصف النهائي لدوري الأبطال، وكل العيون متوجهه على المواجهه دي.
الفريق الإيطالي بيعيش موسم قوي في أوروبا، وبيحاول يثبت إنه مش بس فريق دفاع، لكن كمان عنده قدره ينافس الكبار ويكسبهم، وده اللي بيحاول باستوني يوصله من خلال كلامه.
جماهير الإنتر متفائله وبتحلم بالنهائي، بس عارفه كويس إن المشوار مش سهل، خصوصاً قدام برشلونه اللي راجع بقوه هو كمان.
