ريال مدريد في ورطه وبيلينغهام تايه وسط الملعب وفقد بريقه
بعد ما خرج ريال مدريد بدري من دوري أبطال أوروبا، الوضع بقى صعب جدًا داخل النادي، والفريق بيعاني من مشاكل كتيره الموسم ده، وأكتر حاجه لافتة هي انخفاض مستوى جود بيلينغهام اللي كان نجم الفريق الموسم اللي فات.
جمهور ريال مدريد مش راضي عن اللي بيحصل، وابتدو يوجهوا اللوم للمدرب كارلو أنشيلوتي، اللي مش قادر يحافظ على مستوى بيلينغهام، واللي بقى تايه في الملعب من غير أي تأثير يُذكر، لا هجوم ولا حتى دفاع.
بداية بيلينغهام في الموسم كانت ممتازه، وسجل أهداف كتيره وقدم أداء رائع، لكن بعدين كل حاجه بدأت تتراجع، الفريق كله أداءه نزل، وبيلينغهام اتأثر بالكلام ده، مابقاش فيه تناغم بين اللاعيبه، وحتى الخطه التكتيكيه مش واضحه، فبقى بيلينغهام شبه “شبح” في وسط الملعب.
الإداره شايفه إن الوضع صعب فعلاً، وفيه قلق كبير حوالين إذا كان بيلينغهام هيرجع لمستواه ولا لأ، خصوصًا في ظل عدم وجود قياده فنيه واضحه تأخد بيده وتساعده يرجع.
جماهير الملكي حاطين أملهم على الموسم الجاي، يمكن لو جه مدرب جديد يقدر يغير الوضع، ويرجع لبيلينغهام بريقه ويعيد شخصية الفريق اللي اختفت، لأن الريال من غير نجم وسط متألق صعب ينافس على البطولات.
الكل منتظر قرارات الصيف، ويمكن تكون بداية لتصحيح المسار بعد موسم مخيب للأمال.
