باستوني: برشلونة فريق قوي ولازم نكون مركزين ١٠٠٪ عشان نوقفه
في تصرحات ناريه قبل موقعة نصف نهائي دوري الأبطال اللي هتجمع إنتر ميلان ببرشلونه، شدد المدافع الإيطالي أليساندرو باستوني على إن المواجهه مش سهله وبتحتاج تركيز كبير من أول دقيقه لآخرها، علشان البارسا عنده هويه واضحه في اللعب وصعب تتعامل معاه لو مش جاهز تمامًا.
باستوني قال بالحرف: “برشلونه عنده هويه واضحه في طريقه اللعب، ويمكن يسيبوا مساحات ورا، بس إحنا لازم ندافع كفريق واحد، وإلا هنغرق”.
وكمل المدافع الشاب كلامه وقال: “إحنا وقفنا أجنحه صعبه زي مايكل أوليسي، وساني من بايرن ميونخ، وكمان لاعبة أرسنال في دور المجموعات، وده بيدينا دفعه وثقه، بس برضه لازم نكون مركزين قوي”.
وأضاف: “لو مش جاهزين ١٠٠٪ بدنيًا وذهنيًا، ساعتها هنتعاقب. بس لو كنا في يومنا ممكن نسبب مشاكل كبيره ليهم”.
إنتر داخل الماتش الجاي بثقه، خصوصًا بعد المستويات اللي قدمها في الأدوار اللي فاتت، لكن عارفين إن برشلونه مش خصم سهل، ودايمًا عنده حلول فرديه وجماعيه في الهجوم، فالدفاع لازم يكون في قمة الجاهزيه.
الجماهير متحمسه وبتحلم بالوصول للنهائي، بس كل حاجه بتبدأ من النصف نهائي، وباستوني وزمايله عارفين كويس إن أي خطأ ممكن يكلفهم كتير.
كل الأنظار هتكون على ملعب مونتجويك يوم ٣٠ أبريل، والجميع مستني ملحمه كرويه كبيره.
