النصر في ورطه قدام القادسيه وغيابات محتمله بالجمله ضد ضمك
بتترقب جماهير الكوره السعوديه الليله المواجهه الناريه بين النصر والقادسيه، ضمن الجوله 28 من دوري روشن، والمباراه هتكون على ملعب القادسيه الساعه 9 مساء الجمعه.
النصر داخل اللقاء وهو في المركز التالت بـ57 نقطه، وبيحاول يقلص الفارق مع المتصدر الاتحاد اللي معاه 65 نقطه، بينما القادسيه بيحتل المركز الخامس بـ52 نقطه وبيقدم موسم ممتاز.
لكن المشكله الكبيره اللي بتواجه المدرب الايطالي ستيفانو بيولي هي تهديد عدد من لاعيبه بالإيقاف عن مباراة ضمك الجايه لو خدوا إنذارات في لقاء القادسيه.
والقائمه طويله وبتضم أسماء تقيله: أوتافيو، ساديو ماني، جون دوران، علي لاجامي، سالم النجدي، عبدالله الخيبري، وعلي الحسن.
غياب أي حد منهم هيكون ضربة موجعه للفريق، خصوصًا إنهم نص التشكيل الأساسي اللي بيعتمد عليه بيولي فـ المواجهات الكبيره.
جماهير العالمي قلقانه ومترقبه، وكل الأمل إن اللعيبه يركزوا ومايتعرضوش لإنذارات تبوظ حسابات الفريق في الجولات الجايه.
