جوارديولا يعلن غياب ستونز وآكي ويوضح صعوبه المنافسه الأوروبيه
أكد المدرب الإسباني بيب جوارديولا، المدير الفني لفريق مانشستر سيتي، إن الثنائي جون ستونز وناثان آكي مش جاهزين للمشاركه في مباراة إيفرتون الجايه في الدوري الإنجليزي، واللي هتتلعب يوم السبت ضمن الجوله 33 من البريميرليج.
جوارديولا قال في المؤتمر الصحفي: “الإصابات مأثره علينا، وستونز وآكي مش هيلحقوا الماتش، وده طبعًا خساره كبيره بالنسبه لنا، بس هنحاول نلاقي البدائل المناسبه”.
واتكلم كمان عن صعوبة المنافسه على مركز مؤهل لدوري الأبطال الموسم الجاي، وقال: “مش شايف إن ده شئ سلبي، في فرق كتير كانت ممكن تكون في مراكز أسوأ بكتير لو ماقدموش أداء جيد.
إحنا كان ممكن نكون في المركز الحداشر أو حتى الأربعتاشر، فالأمر في إيدينا دلوقتي”.
وبيّن جوارديولا إن مفيش وقت نضيعه، خصوصًا مع ماتشات مهمه زي اللي ضد إيفرتون وأستون فيلا، وقال: “أنا من الناس اللي مش بتشتكي، سواء في اللحظات الكويسه أو الوحشه، هدفنا نوصل لدوري الأبطال ونتحدى الفرق الكبيره تاني”.
واختتم: “نتمنى نكون أقوى ونتعلم من الموسم ده، ونرجع ننافس زي السبع سنين اللي فاتوا”.
