رد كلوب الصادم على تدريب ريال مدريد بعد رحيل انشيلوتي المحتمل
كشفت مصادر صحفيه مطلعه، عن رد غير متوقع من الالماني يورجن كلوب، المدرب السابق لفريق ليفربول، بخصوص امكانية تدريبه لفريق ريال مدريد خلفا لانشيلوتي ف الموسم الجاي.
الصحف العالميه كانت اتكلمت عن مستقبل انشيلوتي بعد الخروج القاسي للريال من دور الربع نهائي قدام ارسنال الانجليزي، بعد خساره كبيره بخمسه اهداف، وده زود من احتمالية رحيله.
وقالت تقارير اسبانيه ان رئيس الريال، فلورنتينو بيريز، تلقى نصايح من المقربين ليه بالتعاقد مع كلوب، اللي يعتبرونه الانسب للمرحله الجايه، خصوصا انه مدرب عنده خبره كبيره وشخصيه قويه ف المواقف الصعبه.
لكن المفاجأه جات من مارك كوسيكي، وكيل أعمال كلوب، لما صرح لشبكة سكاي سبورتس وقال: “يورجن حالياً مبسوط جداً بدوره الجديد كرئيس لكرة القدم العالمية في مجموعة ريد بول”.
وأضاف: “رغم وجود عروض واهتمام كبير من انديه واتحادات عالميه، بس كلوب مش ناوي يرجع للتدريب ف الموسم اللي جاي، حتى لو العرض من ريال مدريد أو البرازيل”.
التصريح ده صدم جماهير كتير كانت حابه تشوف كلوب على دكة بدلاء الريال الموسم الجاي.
