فليك: كوندي ما يعرف يريح ونحتاج نسمع لجسمه شوي
جول كوندي لاعب برشلونة من النوع اللي ما يرضى يقعد عالدكه، يلعب دايمًا وموجود فكل المباريات، وده خلق تساؤلات كثيره حول حالته البدنيه مع اقتراب مراحل الموسم اللي تكون مرهقه وصعبه.
المدرب هانز فليك طلع بتصريح طريف نوعًا ما، وقال: “المشكله مع كوندي إني إذا قلت له بأقلل لك وقت اللعب 30 دقيقه، يرجع اليوم الثاني يلعب تسعين دقيقه كامله! يمكن الافضل إني أخليه بالملعب ويعطي كل اللي عنده، يمكن هذا الحل”.
وأضاف فليك: “كوندي لياقته خرافيه، مستواه عالي جدًا، بس بنفس الوقت، نحتاج أحيانًا نريّح اللاعب لأن الإرهاق يجي فجأه، ووقتها ممكن نخسره بمباريات مهمه”.
وأشار فليك بعدين على إن التفاهم بينه وبين اللاعبين شي أساسي في شغله، وقال: “أنا دايم أتكلم مع اللاعبين، المسؤوليه الأولى عن أجسامهم تكون عليهم.
إذا كانوا صادقين معاي، بيقولون لي وش يحسون فيه. لما نشوف في بياناتنا إن فيه لاعب مرهق، نتصرف، بس إذا ما بان شي، ننتظر منهم يعطونا ردة فعل واضحه”.
كوندي واحد من العناصر المهمه بفريق برشلونة، بس مع ضغط المباريات، فليك يمكن يبدأ يعيد حساباته شوي، خصوصًا إذا حب يحافظ على اللاعب للمواجهات الحاسمه الجايه.
