فليك يعلق بعد خسارة دورتموند: الأداء مو مثالي لكن الأهم تأهلنا
طلع المدرب الألماني هانز فليك، مدرب فريق برشلونه، عن صمته بعد خسارة فريقه قدام بوروسيا دورتموند في إياب ربع نهائي دوري الأبطال، وأكد إن الأهم تحقق وهو التأهل لنصف النهائي، حتى لو ماكان الأداء في أفضل حالاته.
وقال فليك بتصريحاته بعد المباراه: “صح، يمكن ما لعبنا كويس في دورتموند، لكن النهايه إحنا في نصف النهائي الفريق الثاني قدم مستوى أفضل منا، بس إحنا كنا ممتازين في الذهاب، وهذا ساعدنا كثير.”
وأضاف: “هذا شي طبيعي يصير، يمكن ما نكون في أحسن فتره، بس فريقي قاعد يسوي شغل جبار أنا فخور جدًا فيهم، لأنهم دايم يحاولون يعطون أفضل ما عندهم.”
وتابع: “مرات تصير الأمور كذا، خسرنا مباراه وحده بس، وبفضل النتيجة اللي جبناها في الذهاب، قدرنا نوصل لهالمرحله، وهذا هو الأهم بالنسبه لنا.”
وفي نهاية حديثه، شدد فليك على أهمية الإيجابيه والتركيز الجاي، وقال: “لازم نكون متفائلين وإحنا نحاول نحلل كل شي صار الفريق عارف وش المطلوب منه بكرا، وإن شاء الله يقدر يطبقه ويبين شخصيته في الملعب.”
الجماهير البرشلونيه تترقب الخطوة الجايه، خصوصًا مع اقتراب معركة نصف النهائي اللي الكل ينتظرها، وسط آمال كبيرة إن الفريق يواصل المشوار الأوروبي بنجاح.
