هانز فليك: ماكنا نحلم فيه صرنا نعيشه ببرشلونة اليوم
أعرب مدرب برشلونة الألماني هانز فليك عن سعادته الكبيره وفخره الشديد بالموسم اللي يقدمه الفريق حالياً، وأكد إن الوضع الحالي تعدى كل التوقعات اللي كانت في بداية التحضيرات، خصوصاً بعد وصول البرسا لنصف نهائي دوري أبطال أوروبا.
وقال فليك في تصريحات عقب التأهل: “اللي صار في دورتموند ماكان أفضل شي، لكن بالنهاية الهدف تحقق، ووصلنا نصف النهائي وهذا شي عظيم للفريق وللجماهير وحتى للإدارة من بداية الموسم كنا نحلم نوصل لهالمرحله، واليوم صارت حقيقه”.
وأضاف: “لما بدأنا فترة الإعداد، ماكان فيه أحد يتوقع إننا راح نكون بتاريخ 18 أبريل متصدرين الدوري، وموجودين بنهائي كأس الملك، وفوقها بنصف نهائي دوري الأبطال، بصراحه الإنجاز أكبر من أي توقع”.
وختم فليك كلامه بدعمه الكامل للاعبين، وقال: “أنا فخور جدًا باللاعبين، أشوفهم كل يوم في التمارين يعطون كل اللي عندهم، ويقاتلون عشان الشعار الجماهير مبسوطه، والنادي مبسوط، والفضل يرجع للمجهود الجبار اللي يقدمونه، وعلشان كذا راح أستمر أدافع عنهم”.
الكلام اللي قاله فليك يوضح قد ايش الفريق في حاله انسجام وثقه، ويدل إن مشروعه ماشي بالطريق الصح، والجماهير عندها كل الحق تفرح باللي قاعد يصير.
