تشالهان أوغلو يرفض عرض خيالي من نادي سعودي معروف بالروشن
كشفت تقارير صحفيه الفتره الأخيره، إن نجم وسط إنتر ميلان التركي هاكان تشالهان أوغلو، وصله عرض مغري جداً من أحد أنديه دوري روشن السعودي، بس قرر يرفضه.
الصحفي التركي أكرم كونور، كتب على حسابه بـ”إكس”، إن هاكان، واللي عمره 31 سنه، قرر يمشي على نفس طريق زميله نيكولو باريلا، وقال “لا” للعرض السعودي، رغم الفلوس الكبيره اللي كانت مطروحه قدامه.
الأنديه السعوديه مازالت تحاول تدعم صفوفها بنجوم كبار قبل الصيف، وتحاول تجيب لاعبين عالميين، بس الظاهر هاكان مو منفتح على الفكره حالياً.
عقده مع الإنتر لسه طويل، مستمر مع النادي لحد 30 يونيو 2027، وقيمته السوقيه حالياً حوالي 35 مليون يورو حسب ترانسفير ماركت، يعني أي نادي حاب يضمه لازم يدفع مبلغ كبير ويتفاوض مع إدارة النيراتزوري.
تشالهان أوغلو يعتبر من أهم لاعبين المدرب سيموني إنزاغي، وقدم مستوى قوي جدا هالموسم، وساهم كثير في مسيرة الفريق محلياً وأوروبيًا، والظاهر إنه ناوي يكمل المشوار مع الإنتر فتره أطول.
