فليك: مباراة سيلتا فيغو نقطه مهمه نرجع فيها للطريق الصح
شدد مدرب برشلونة، الألماني هانز فليك، على أهمية المواجهه الجايه ضد سيلتا فيغو، واللي راح تكون بمثابة فرصة لتعويض الخساره اللي صارت قدام بوروسيا دورتموند بدوري الأبطال، وقال إن الفريق لازم يرد بشكل قوي ويرجع لمستواه المعروف.
وقال فليك خلال المؤتمر الصحفي قبل اللقاء: “المباراة هذي مهمه جداً بالنسبه لنا، وبالنسبه لي شخصيًا بعد اللي صار في دورتموند اليوم الصباح جلسنا وتكلمنا عن الأخطاء اللي سويناها، ولازم نحاول نصلّحها بكرة”.
وأضاف: “سيلتا فريق عنده طريقة لعب واضحه، وعندهم فكر كروي منظم، عشان كذا ضروري نكون جاهزين ونقدم أفضل ماعندنا لازم نركز على نقاط قوتنا ونستغلها بأفضل طريقه”.
المدرب الألماني وضّح إن الفريق ما زال في مرحله تنافسيه مهمه، وإن كل مباراة حالياً تعتبر نهائي، خصوصاً مع ضغط المباريات والتحديات اللي جاية في الدوري والكأس ودوري الأبطال.
وختم فليك حديثه برسالة واضحه للاعبين والجماهير: “أنا واثق من فريقي، ونعرف وش نحتاج نسوي عشان نرجّع ثقة الجمهور فينا بكرة لازم نرد على أرض الملعب، مو بالكلام”.
برشلونة يدخل اللقاء وهو عينه على الفوز لاستعادة المعنويات، والجمهور ينتظر رد قوي من اللاعبين بعد السقوط الأوروبي الأخير.
