سليمان عيد زوجتي وش السعد عليا وحياتي اتغيرت بعد جوازنا
كان الفنان الراحل سليمان عيد دايمًا بيحب يتكلم عن زوجته وأم ابنه، وكان دايمًا بيشيد بيها وبيقول عليها وش السعد لأنه بيعتبرها سبب رئيسي في نجاحه الفني بعد زواجه منها مباشرة.
في احد اللقاءات التليفزيونية، كشف سليمان عيد إنه في البداية لما تقدم لطلب يد زوجته كان معاه فقط 50 جنيه، وكان لسه بيعمل أدوار صغيرة في أفلام مش معروفة، وقال أنا مكنش معايا غير 50 جنيه وقت ما اتقدمت ليها، وكنت بشتغل في أدوار ثانوية، ولما قرينا الفاتحة بدأت تجيب لي شغل في أفلام أكبر وأدوار أفضل
وأضاف إنه بعد زواجه ربنا فتحها عليه وأصبح يشتغل في أدوار أكبر ويحقق شهرة كبيرة كانت زوجته مرتبطة به بشكل قوي، وعاشت معه في رحلة حب واحترام، وانهارت بالبكاء الشديد عند وداعه في جنازته، وكانت مش قادرة تتحمل فراقه.
سليمان عيد بدأ حياته الفنية في أواخر الثمانينيات، وكان فيلم الإرهاب والكباب مع الزعيم عادل إمام عام 1992 بداية لانطلاقته شارك في العديد من الأفلام والمسلسلات، ووصل رصيده لأكثر من 150 عمل فني، وكان آخر أعماله فيلم فار بـ 7 ترواح اللي بيتعرض حاليًا في السينمات.
