رانيا ونورهان منصور تكشفان أسرار علاقتهما كتوائم في برنامج “معكم منى الشاذلي”
كشفت الفنانتين التوأم الأشهر رانيا ونورهان منصور، عن تفاصيل جديدة في علاقتهما الشخصية خلال ظهورهما في برنامج “معكم منى الشاذلي” على شاشة ON، مساء الخميس.
وقالت رانيا إنها مش حاسة إنهم شبه بعض، رغم أن الناس دايمًا بيشوفوا الشبه، إلا أنهم مختلفين جدًا، حتى في طريقة التفكير والردود على المواقف.
أما نورهان، فقالت إن رغم أنهم نفس البرج، إلا إن كل واحدة فيهم عندها صفات عكس التانية، وأكدت إن رانيا كانت دايمًا أهدى منها وبتفكر قبل ما تعمل حاجة، بينما هي كانت عصبية ومتسرعة لكن اتغيرت شوية.
وفي سياق حديثها عن مشاعر التوأم، قالت نورهان إن علاقتها بأختها أحيانًا بتكون “انصهار عاطفي”، يعني لما رانيا بتزعل، هي بتحس وكأنها مشاعرها هي كمان. وقالت إن ده بيكون مرهق جدًا، لأنها مش قادرة تتحكم في مشاعرها وتعيش حالة مش بتاعتها.
وفي مواقف طريفة، حكت رانيا عن أيام المدرسة وقالت إنها كانت دايمًا الأهدى، بينما نورهان كانت دايمًا متهمة بكل حاجة شقية حتى لو كانت هي الفاعلة.
ورغم إنهم كانوا في نفس الفصل، نفت التوأم حدوث أي تبادل أدوار في الامتحانات، ولكنهم لو كان في فرصة، كانوا هيتصرفوا.
