في مفاجاه مكنتش متوقعه، انتشر بوستر غير رسمي لمسلسل جديد اسمه كارثه طبيعيه بطولة محمد سلام، ودا خلى الناس على السوشيال ميديا تتكلم كتير رغم إنه مفيش أي حاجه نزلت رسمي من الشركه المنتجه.
البوستر اللي انتشر مافيهوش اي اسماء ممثلين ولا حتي لوجو المنصه اللي هتعرض المسلسل، وده خلى الناس تشك إنه يا إما تسريب أو مجرد تصميم من واحد من الفانز حابب يحمس الناس، خصوصًا إنه التصميم كان غامض جدًا ومفيش فيه تفاصيل كتير.
المسلسل ده بيعتبر أول بطوله مطلقه لمحمد سلام بعد سنين من المشاركات الناجحه في كذا عمل، وهيكون درامي تشويقي من تأليف أحمد عاطف فياض اللي عمل قبل كده مسلسل بالطو ومن إخراج حسام حامد، والمفاجأه كمان إن البطوله النسائيه معاه جهاد حسام الدين.
مصادر قالت إن المسلسل هيتعرض غالبًا بعد رمضان 2025، ولسه لحد دلوقتي الشركه المنتجه ساكته لا نفت ولا أكدت حاجه بخصوص البوستر، وده خلى بعض الناس يقولوا إن ده جزء من دعايه غامضه، وناس تانيه شايفه إنه تسريب ممكن يبوظ الخطه.
الجمهور بقى مستني الإعلان الرسمي بفارغ الصبر، خصوصًا إن محمد سلام ليه شعبيه كبيره.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
