وفاه مفاجأه للفنان سليمان عيد عن عمر ٥٦ سنه والنجوم بينعوه
في خبر صدم كتير من الناس، الفنان عصام السقا نعى زميله الفنان الكوميدي سليمان عيد، اللي فارق الحياه صباح يوم الجمعه بعد ما جتله ازمه قلبيه مفاجأه أدت لهبوط حاد في الدوره الدمويه وتوقف عضله القلب، وده حصل وهو في بيته.
عبدالرحمن نجل الفنان الراحل اعلن الخبر الحزين على حساباته بالسوشيال ميديا، وقال إن صلاه الجنازه هتكون بعد صلاه الجمعه في المجمع الاسلامي بالشيخ زايد.
سليمان عيد، اللي اتولد يوم ١٧ أكتوبر ١٩٦٨ في الجيزه، بدأ مشواره الفني من التمانينات، وحقق شهره واسعه بأدواره الكوميديه اللي شارك بيها في أفلام زي الإرهاب والكباب وطيور الظلام وهمام في أمستردام، واللمبي
الخبر نزل كالصاعقه على زملائه وجمهوره اللي اتفاجئوا، خصوصًا إن سليمان كان بصحه كويسه وماكانش باين عليه أي تعب قبل وفاته.
كتير من نجوم الفن والجمهور عبروا عن حزنهم الشديد على رحيله، وافتكروا ضحكته اللي كانت دايمًا منوره الشاشه، وبيودعوا واحد من أكتر الفنانين اللي سابوا بصمه في قلوب الناس.
