رانيا ونورهان منصور بيحكوا عن المواقف اللي حصلت بسبب الشبه
رانيا منصور ظهرت مع أختها التوأم نورهان في برنامج معكم مع منى الشاذلي، واتكلموا عن حاجات كتير حصلت بسبب الشبه الكبير اللي بينهم، واللي بوّظ الدنيا ساعات ومحدش كان بيعرف يفرق بينهم غير والدتهم بس، حتى والدهم كان بيتلغبط
رانيا قالت إن الشبه ده شكلي بس، لكن شخصيتهم مختلفه تمامًا، كل واحده ليها دماغها وطريقتها في الكلام والتعامل، ومحدش يعرف ده غير اللي فعلا يعرفهم كويس.
اما نورهان، فحكت إنها دخلت مجال التمثيل بعد رانيا، وإنها كانت خايفه منها في مواقف معينه رغم إن علاقتهم قويه جدًا وشاركت قصه عن أول دور ليها، لما جات فرصه تمثيل في نصيبي وقسمتك بالصدفه بعد ما ممثله تانيه اعتذرت، والمخرج كان فاكرها رانيا في الأول رانيا أكدت إنهم عمرهم ما بدلوا أماكنهم في مشاهد تمثيل، غير لو المشهد من غير وش أو كلام وكمان قالت إن في صور من زمان مش بتعرف تفرق فيها هي مين وأختها مين
وفي الآخر، أكدوا إن الأم بس كانت دايمًا بتعرفهم من بعض، والباقي دايمًا في حيره من الشبه الكبير ده.
