ظهر المطرب حسام حبيب في لايف على تيك توك وكشف لجمهوره عن تفاصيل ألبومه الجديد، واللي هيكون على جزئين، كل جزء فيهم فيه ٥ أغاني بس الجزء الأول هينزل قريب، اما الجزء التاني فهينزل في الصيف الجاي.
قال حسام إن الألبوم من إنتاجه هو، بالتعاون مع شركه كبيره هيعلن عنها خلال الأيام الجايه ووضح إن كل الأغاني طالعة من قلبه، والنص الأول منها درامي جدًا وبيعكس مشاعره وتجارب عاشها، ووصف الألبوم إنه مغامرة خاصة ومش هدفه الربح بس.
كمان حسام عبّر عن فرحته بمشاركته في فيلم السلم والثعبان الجزء التاني، وقال إنه هيغني فيه ويمكن يكتفي بأغنية واحده، بس هي أغنية مؤثرة وهتفرق مع الناس.
أما عن أغنيته الجديدة كدابه قال إنه في الأول مكانش حابب ينزلها علشان مابيحبش يتكلم عن الستات بسلبية، لكن مع الوقت الأغنية عجبته وقرر ينزلها.
في آخر اللايف، حسام اتكلم عن دعمه للمواهب الشابة، وقال إنه بيحاول يساعدهم يوصلوا للناس وياخدوا فرصتهم في الوسط الفني.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
