قال الفنان إيهاب فهمي، وكيل نقابة المهن التمثيليه، إن وجوده في منصب بالنقابه مش معناه إن عنده فرص أكتر في الشغل ولا بيساعده في التمثيل، بالعكس هو شايف إن اللي بيستمر هو الموهوب مش صاحب المنصب.
وفي حوار ليه مع الإعلاميه ياسمين عز في برنامج “كلام الناس” على قناة MBC مصر، قال إيهاب: “أنا دخلت النقابة 2015، لكن أنا شغال من 1996، وعامل 143 عمل، وكنت ناجح قبل النقابة ومش داخل علشان أدور على فرص، النقابة خدمية مش باب رزق”.
وكمل كلامه وقال: “أنا واحد من وكلاء النقيب أشرف زكي، وبرغم كده في 2024 ماشتغلتش خالص ورفضت شغل كمان، يعني وجودي في النقابة لا له علاقه ولا بيزود فرصي”.
يُذكر إن إيهاب فهمي كان من أبطال مسلسل “إش إش” اللي اتعرض رمضان اللي فات، وكانت أحداثه عن بنت فقيره وورثت الجمال عن أمها، واشتغلت راقصه غصب عنها، ودخلت بيت عيلة الجريتلي بالصدفة وبدأت الأسرار تطلع.
المسلسل من بطولة مي عمر، ماجد المصري، انتصار، إيهاب فهمي، وعدد كبير من النجوم، ومن تأليف وإخراج محمد سامي.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
