هاله صدقي بتدافع عن محمد رمضان بعد حفلة أمريكا الكبيره
طلعت الفنانه هاله صدقي تدافع عن محمد رمضان بعد الهجوم اللي اتعرضله بسبب لبسه في حفلة “كوتشيلا فالي” اللي اتعملت في أمريكا.
وقالت في حوارها مع الإعلاميه فاطمه مصطفى في برنامج “الراديو بيضحك” على الراديو 9090: “إحنا واقفين لبعض على الواحدة، يعني مثلًا في لبنان بيدعموا نجومهم مهما حصل، لكن إحنا أول ما النجم يعمل حاجه ننتقده وعايزين نكسره”.
وأضافت هاله: “ماحدش شاف إن ده نجم مصري عمل حفله عالميه في أمريكا وكانت مولعه وجمعت عرب كتير ومكانش في تذاكر أصلاً، إحنا نفسنا بنقلب الدنيا لما ييجي نجم أمريكي هنا”.
وكملت كلامها وقالت: “محمد رمضان نجم، طبيعي يلبس لبس غريب عشان يعمل شو، هو مش نازل كده في الشارع، وفي ستايلست مسئوله عن شكله مش هو لوحده”.
يُذكر إن هاله صدقي شاركت رمضان اللي فات في مسلسل “إش إش” اللي بيحكي عن بنت بتضطر تشتغل رقاصه، وبتدخل صدفة في عيلة مليانه أسرار. المسلسل من بطولة مي عمر وعدد كبير من النجوم، ومن تأليف وإخراج محمد سامي.
