دموع النجوم في جنازة سليمان عيد بعد وفاته المفاجأه الجمعه
حاله حزن كبيره وصدمة كانت واضحه على وشوش الفنانين اللي حضروا جنازة الفنان الكبير سليمان عيد، اللي رحل عن عالمنا فجأه صباح الجمعه 18 إبريل بعد ما جاتله أزمه قلبيه مفاجأه.
من أول النجوم اللي اتأثروا جدًا كان كريم محمود عبدالعزيز، اللي كانت علاقته قويه بسليمان ودايمًا بيظهروا مع بعض في فيديوهات مضحكه على تيك توك، وكان باين عليه الحزن من أول لحظه في الجنازه.
الجثمان اتشيع بعد صلاة الجمعه واتدفن في مدافن العيله، وكان في نجوم كتير حاضرين ومنهم اللي شارك بنفسه في حمل النعش زي أحمد السقا وطه دسوقي ومحمد علي رزق ومحمد ثروت.
كمان حضر الجنازه الفنانين إيهاب فهمي، محمد إمام، أشرف عبدالباقي، صلاح عبدالله، منير مكرم، محسن منصور وغيرهم كتير من زمايله اللي حبوه.
سليمان عيد كان من مواليد 17 أكتوبر 1961، وابتدى مشواره في التمانينات، لكن انطلاقته الكبيره كانت في “الإرهاب والكباب” مع الزعيم عادل إمام. بعدها شارك في أفلام ومسلسلات كتير زادت عن 150 عمل، وكان من أهمها “همام في أمستردام” و”النوم في العسل”.
