شيعو النهارده جثمان الفنان الكبير سليمان عيد لمثواه الأخير بعد صلاة الجمعه 18 إبريل، وكان الحزن مالي المكان، ووشوش النجوم كلها باينه عليها الصدمه والزعل الشديد.
كتير من الفنانين حضروا الجنازه، وفي منهم مقدروش يمسكوا دموعهم زي طه دسوقي ومحسن منصور، وكمان صلاح عبدالله اللي انهار في صلاة الجنازه.
من اللي شاركوا كمان في حمل النعش كان أحمد السقا ومحمد ثروت ومحمد علي رزق وطه دسوقي، في لحظه كانت مؤثره جدًا لكل الحضور.
وكان فيه نجوم كتير موجودين زي كريم محمود عبدالعزيز، محمد إمام، إيهاب فهمي، أشرف عبدالباقي، أشرف زكي، منير مكرم، وغيرهم كتير.
سليمان عيد توفى فجأه صباح الجمعه عن عمر 64 سنه بعد أزمه قلبيه، واتنقل المستشفى بس للأسف ماقدروش ينقذوه.
هو بدأ مشواره الفني من التمانينات، وانطلق بعد فيلم “الإرهاب والكباب” مع عادل إمام، وشارك بعدها في أفلام كبيره زي “طيور الظلام” و”النوم في العسل”، وكان له بصمه واضحه في أكتر من 150 عمل فني بين أفلام ومسرحيات ومسلسلات.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
