رحاب الجمل تبدأ تصوير “إن غاب القط” ومفاجآت كتير جاية قريب
الفنانه رحاب الجمل بدأت تصور مشاهدها في فيلمها الجديد “إن غاب القط”، واللي بيقوم ببطولته النجم آسر ياسين والنجمه أسماء جلال، والعمل بيضم كمان محمد شاهين، على صبحي، وسماح أنور، وهو من تأليف أيمن وتار وإخراج ساره نوح.
رحاب بتقدم دور مهم ومحوري في الأحداث، واللي بتدور كلها في إطار اجتماعي مليان مواقف وأحداث مشوقه حسب ما تم الإعلان عنه.
وكان آخر ظهور لرحاب الجمل في فيلم “الإسكندراني” من إخراج خالد يوسف وتأليف الكاتب الكبير أسامة أنور عكاشة، واللي شارك فيه عدد كبير من النجوم زي أحمد العوضي، زينه، بيومي فؤاد، صلاح عبدالله، وغيرهم كتير.
الفيلم بيحكي عن “بكر” اللي سافر بره عشان يحقق حلمه لكنه رجع يلاقي نفس المشاكل بتلاحقه.
رحاب كمان كانت لفتت الانظار في رمضان اللي فات بمشاركتها في مسلسل “عايشه الدور” مع دنيا سمير غانم، وحققت من خلاله تفاعل كبير على السوشيال ميديا بسبب أدائها القوي في العمل.
واضح إن الفترة الجايه فيها شغل كتير ومهم للفنانه رحاب الجمل.
