افضل عائد شهادات بنك مصر 2025 الجديدة بعائد 30%.. تفاصيل كاملة لكل شهادة متاحة
في وقت الناس فيه بتدور على طريقة تحفظ بيها فلوسها وتزود دخلها، بنك مصر بيقدملك شوية اختيارات محترمة في عالم الشهادات البنكية , شهادات العام 2025 الحالي جت ومعاها شهادات ادخار بعائد عالي جدًا، يناسب اللي عايز استثمار مضمون ومريح، من غير مغامرات ولا خسارة , وفي السطور الجاية، هنوضح كل التفاصيل عن شهادات بنك مصر الجديدة، سواء من ناحية العائد، أو طريقة الصرف، أو الشروط.
إيه هي شهادات بنك مصر المتاحة دلوقتي؟
بنك مصر حالياً بيوفر 3 أنواع رئيسية من الشهادات، كل واحدة ليها مميزاتها وطريقتها:
- شهادة ابن مصر – أعلى شهادة من حيث العائد المتدرج.
- شهادة القمة – العائد ثابت شهريًا.
- شهادة يوماتي – العائد بيتصرف يوميًا ومش ثابت.
تعالوا نعرف الفرق بينهم بالتفصيل.
شهادة ابن مصر – الأعلى في العائد
لو بتدور على عائد محترم يتوزع على سنين، دي الشهادة اللي ممكن تهمك:
- مدة الشهادة: 3 سنين
- صرف العائد سنويًا:
- السنة الأولى: 30%
- السنة التانية: 25%
- السنة التالتة: 20%
- صرف ربع سنوي:
- السنة الأولى: 27%
- السنة التانية: 23%
- السنة التالتة: 19%
- صرف شهري:
- السنة الأولى: 26%
- السنة التانية: 22.5%
- السنة التالتة: 19%
ممكن تكسر الشهادة بعد 6 شهور، بس بشروط البنك.
شهادة القمة – عائد ثابت ومضمون
دي مناسبة للناس اللي بتحب العائد الشهري الثابت من غير ما تدخل في حسابات كتير:
- مدة الشهادة: 3 سنوات
- الحد الأدنى للشراء: 1000 جنيه ومضاعفتها
- العائد الشهري: 21.5%
- نوع العائد: ثابت طوال مدة الشهادة
ينفع تصدر الشهادة باسم القُصر كمان.
شهادة يوماتي – عائد يومي متغير
لو بتحب تشوف الفايدة نازلة لك كل يوم، يبقى “يوماتي” هتناسبك جدًا:
- مدة الشهادة: 3 سنين
- العائد اليومي: 27% (متغير حسب سعر الفايدة بالبنك المركزي)
- طريقة الصرف: يوميًا على الحساب المرتبط بالشهادة
- ممكن تكسرها؟: آه، بس بعد مرور 6 شهور
دي أكتر شهادة مرنة، خصوصًا للناس اللي مش بتحب الانتظار الطويل.
مقارنة مبسط بين الشهادات
| نوع الشهادة | المدة | العائد الأعلى | طريقة الصرف | الحد الأدنى |
|---|---|---|---|---|
| ابن مصر | 3 سنين | 30% سنوي | شهري، ربع سنوي، سنوي | 1000 جنيه |
| القمة | 3 سنين | 21.5% شهري | شهري ثابت | 1000 جنيه |
| يوماتي | 3 سنين | 27% يومي | يومي متغير | 1000 جنيه |
تقدر تشتري الشهادة بسهولة من أي فرع من فروع بنك مصر، أو من خلال الإنترنت البنكي لو عندك حساب شغال، وكمان متاح تصدرها باسمك أو باسم أولادك القُصر.
مش شرط تروح بنفسك، ممكن تعمل توكيل لحد يشتري مكانك , لازم يكون عندك حساب في بنك مصر , الفوايد بتتحول على نفس الحساب أو بتستلمها نقدي حسب رغبتك , في حاله كسر الشهاده، العائد بيتحسب بنسبة أقل من المعلن.
