غيابات كتيره تضرب السيتي قبل مواجهة إيفرتون في الدوري الإنجليزي
بيستعد مانشستر سيتي يخوض مباراته الصعبه قدام إيفرتون على ملعب جوديسون بارك ضمن منافسات الجولة الـ33 من الدوري الإنجليزي، واللي شكلها هتكون معقده بسبب الظروف اللي بيمر بيها الفريق السماوي.
السيتي داخل اللقاء وهو بيعاني من غيابات كتير ومؤثره، خصوصًا في خط الهجوم، وأبرزهم النرويجي إيرلينغ هالاند اللي إصابته هتخليه بعيد عن الميدان، وده يعتبر ضربة قوية لغوارديولا، خصوصًا إنه بيعتمد عليه بشكل كبير في تسجيل الأهداف.
كمان فيه لاعبين تانين عندهم مشاكل بدنية ومش مؤكد مشاركتهم، وده بيخلي المدرب الإسباني في ورطه حقيقية قبل المواجهه.
الجماهير مش بس قلقانه من الغيابات، لكن كمان من مستوى الفريق اللي بقى غير ثابت في الفترة الأخيره.
إيفرتون من ناحيته، هيدخل المباراة وهو بيصارع للهروب من مناطق الهبوط، وده هيخليه يقاتل على كل كوره، خصوصًا وسط جماهيره وعلى ملعبه والمباراة دي بالنسبه له تعتبر حياه أو موت.
غوارديولا يمكن يضطر يلعب بتشكيله فيها تغييرات كتير، ويمكن نشوف أسماء شابه في التشكيله الأساسيه، وده هيكون اختبار مهم لقوة دكة البدلاء.
الكل مستني يشوف السيتي هيقدر يتجاوز الغيابات الكتيره دي ولا لأ، ولا هيفقد نقط مهمه في سباقه على لقب البريميرليغ اللي لسه مش محسوم.
