ريال مدريد بيمر بوقت مش سهل خالص بعد الهزيمة التقيلة اللي حصلتله قدام أرسنال في دوري الأبطال، واللي خلّت الإدارة تعيد حساباتها في حاجات كتير، من أول تجديد العقود لحد التعاقدات الجديدة.
صحيفة “ريليفو” قالت إن الخروج ده كان زي ناقوس خطر، وأكد للإدارة إن الفريق محتاج تغييرات، خصوصًا في الدفاع، واللي باين إنه مش ثابت ومستواه مش قد التطلعات.
وفي ظل الكلام عن قرب التعاقد مع ألكسندر أرنولد، باين إن في نفضة جايه في الخط الخلفي.
اللي متأثرين بالكلام ده هما لوكا مودريتش، لوكاس فاسكيز، وألابا. مودريتش مثلًا لسه موقفه معلق، رغم إن الكل عارف رغبته في الاستمرار، لكن النادي مش بيحب يجدد للاعبين فوق الـ30 بسهولة.
وفاسكيز وضعه يمكن يكون الأصعب، لأن أرنولد داخل على نفس مركزه، والتجديد ليه مش مضمون خالص.
وفي أخبار تانية بتأكد إن خيسوس فاييخو هيكون أول المغادرين نهاية الموسم، وده يمكن يكون بداية لتغييرات أوسع في الخط الخلفي.
كل دي تحركات بتدل إن ريال مدريد ناوي يعمل تجديد شامل، لكن ده ممكن يفتح الباب لرحيل أسماء كبيرة، وده الشيء اللي بيخلي الجماهير قلقانه، خصوصًا مع غياب الشفافية من الإدارة لحد دلوقتي.
الكل منتظر يشوف: هل ريال هيضحي بكبار الفريق؟ ولا هيلقى طريقة يجمع بين الخبرة والشباب؟
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
