الخطباء يحذرون من تصوير الولائم والإسراف بالمناسبات خوفًا من الرياء
في خطبة الجمعه اللي صارت اليوم بكل الجوامع، حذروا الخطباء الناس من الإسراف والتبذير في الأكل بالمناسبات، خصوصاً لما يصير فيه تصوير ونشر بالسناب عشان المباهاة والفشخره، وجا ذا الشي بامر من وزير الشؤون الإسلاميه الشيخ عبداللطيف آل الشيخ، اللي وجه كل الخطباء يتكلمون عن هالموضوع بخطبهم.
الخطباء قالوا إن كثرة الأكل وتعدد الأصناف الزايد يعتبر مخالف للقرآن، واستشهدوا بآيات مثل (وكلوا واشربوا ولا تسرفوا)، وكمان (إن المبذرين كانوا إخوان الشياطين)، وذكروا حديث الرسول ﷺ (كلوا واشربوا وتصدقوا والبسوا من غير إسراف ولا مخيله).
وبينوا إن الكرم مطلوب، بس لما يزيد عن حده يصير من التبذير، ويصير سبب بزوال النعمه، وما عاد له علاقه بالضيافه الحقيقيه ووضحوا كمان إن تصوير الأكل ونشره ممكن يجرح مشاعر الفقرا والمساكين، ويخلي الكرم يتحول لمظهر من مظاهر التفاخر بس.
وكل ذا ضمن جهود وزارة الشؤون الإسلاميه اللي تبغى توعي الناس وتبني مجتمع يعتز بدينه ويبتعد عن السلبيات والسلوكيات اللي ما تليق بالمجتمع المسلم.
