بعد قرار البنك المركزي… شهادات البنك الأهلي المصري 2025 الجديدة بعد خفض الفائدة.. تفاصيل العائد
بعد إعلان البنك المركزي المصري يوم الخميس الموافق 17 إبريل 2025 عن خفض أسعار الفائدة بنسبة 2.25% على الإيداع والاقتراض، بدأ اهتمام المواطنين يتزايد حوالين مصير الشهادات البنكية، خصوصًا شهادات البنك الأهلي المصري اللي بتقدم أعلى عوائد حالية في السوق بنسبة وصلت لـ27% والناس بدأت تسأل: هل هتستمر شهادات الـ27%؟ وهل في شهادات جديدة هتظهر؟ وعلشان كده جمعنالك كل التفاصيل المتاحة عن شهادات البنك الأهلي المصري لعام 2025 بكل أنواعها ومميزاتها.
شاهد ايضا: افضل عائد شهادات بنك مصر 2025 الجديدة بعائد 30%.. تفاصيل كاملة لكل شهادة متاحة
شهادات البنك الأهلي 2025.. أنواعها ومميزاتها
البنك الأهلي بيقدّم مجموعة متنوعة من الشهادات الادخارية سواء بالجنيه المصري أو بالدولار، وبيستهدف بيها فئات مختلفة من العملاء، بداية من الشباب وحتى أصحاب المدخرات الكبيرة.
كمان البنك بيوفر خدمات مرتبطة بالشهادات زي:
- قروض بضمان الشهادة
- إصدار بطاقات ائتمانية
- سهولة كسر الشهادة بعد 6 شهور
1. الشهادة البلاتينية السنوية 2025
دي شهادة مدتها سنة واحدة، مناسبة للناس اللي عايزين استثمار سريع بعائد عالي خلال سنة واحدة فقط.
| المدة | 12 شهر (سنة واحدة) |
|---|---|
| الحد الأدنى للشراء | 1000 جنيه ومضاعفاته |
| نوع العائد | شهري / يومي / سنوي |
| العائد السنوي | 27% |
| العائد الشهري | 23.5% |
| العائد اليومي | 23% |
| بداية احتساب العائد | من اليوم التاني للشراء |
| كسر الشهادة | مسموح بعد 6 شهور من تاريخ الإصدار |
2. الشهادة البلاتينية ذات العائد المتدرج الشهري (3 سنوات)
دي مناسبة للناس اللي عايزين دخل شهري ثابت لفترة طويلة، بس العائد فيها بينخفض تدريجيًا مع الوقت.
| المدة | 3 سنوات |
|---|---|
| الحد الأدنى للشراء | 1000 جنيه ومضاعفاته |
| نوع العائد | يصرف شهريًا |
| السنة الأولى | 26% |
| السنة الثانية | 22% |
| السنة الثالثة | 18% |
| كسر الشهادة | ممكن بعد مرور 6 شهور من تاريخ الإصدار |
3. الشهادة البلاتينية ذات العائد المتدرج السنوي (3 سنوات)
شهادة بعائد كبير أول سنة، مناسبة للناس اللي عايزين أرباح عالية بتتوزع مرة واحدة كل سنة.
| المدة | 3 سنوات |
|---|---|
| الحد الأدنى للشراء | 1000 جنيه ومضاعفاته |
| نوع العائد | يصرف سنويًا |
| السنة الأولى | 30% |
| السنة الثانية | 25% |
| السنة الثالثة | 20% |
| كسر الشهادة | مسموح بعد 6 شهور |
رغم خفض الفايدة من البنك المركزي، إلا إن البنك الأهلي المصري لسه مجتمعش بشكل نهائي لتحديد مصير شهادات الـ27% و23.5% ولكن التوقعات بتقول إن البنك ممكن يوقف الإصدار الجديد قريبًا أو يخفّض العائد تدريجيًا، عشان يواكب توجهات السوق ولو بتفكر تشتري شهادة من النوع ده، يفضل تتابع فرع البنك أو تتصل بخدمة العملاء في أقرب وقت.
