رابط نتيجة مسابقة 20 ألف معلم مساعد إنجليزي 2025 الاستعلام كاملة عبر موقع الوظائف الحكومية
يوم الخميس 17 ابريل 2025، أعلن حاتم نبيل رئيس الجهاز المركزي للتنظيم والإدارة عن خبر كتير من الناس كانوا مستنيينه، وهو إطلاق رابط إلكتروني رسمي علشان المتقدمين لوظيفة معلم مساعد لغة إنجليزية يقدروا يعرفوا نتيجة قبولهم من خلاله، وده طبعًا عمل ضجة كبيرة على محركات البحث خصوصًا جوجل، لإن آلاف الناس عايزين يشوفوا نتيجتهم وخطوتهم الجاية وعلشان كده حبينا في المقال ده نوفرلكم كل حاجة بالتفصيل، عشان متتعبوش في البحث، تابعوا معانا لحد الآخر.
نتيجة وظيفة معلم مساعد إنجليزي 2025
من غير ما تلف كتير أو تحتار، جمعنالك الخطوات كلها اللي تقدر بيها تدخل على النتيجة وتعرف موقفك في ثواني:
- الخطوة الأولى: هتدخل على موقع الوظائف الحكومية من خلال الرابط .
- الخطوة التانية: لما الصفحة تفتح، هتدوس على كلمة “استعلام” اللي بتكون فوق في أول الصفحة.
- الخطوة التالتة: هتكتب الرقم القومي بتاعك ورقم التقديم كمان.
- الخطوة الرابعة: دوس على استعلام، وساعتها هتظهرلك النتيجة ولو ليك امتحانات تانية هتلاقي الميعاد متحدد كمان.
ايه شروط التقديم على وظيفة مساعد معلم لغة إنجليزية؟
الوزارة كانت واضحة جدًا وقالت إن لازم المتقدمين يحققوا شوية شروط مهمة جدًا علشان يتم قبولهم، وهي:
- يكون المتقدم مصري الجنسية.
- يكون حاصل على مؤهل عالي له علاقة بتدريس اللغة الإنجليزية.
- ينجح في كل الاختبارات سواء الكترونية أو شفهية أو كتابية.
- ما يكونش عدى سن الأربعين وقت التقديم.
- لازم يقدم شهادة صحية وتقارير تثبت إنه مش بيتعاطى أي مواد مخدرة.
- كمان لازم يكون حسن السير والسلوك ومفيش عليه أي حكم في قضايا مخلة بالشرف أو الآداب.
لو لسه النتيجة مش ظهرت، تابع الموقع الرسمي أول بأول , خليك مستعد لأي خطوات تكميلية زي امتحانات أو مقابلات شخصية , راجع بياناتك كويس قبل ما تدخلها، علشان أي غلطة ممكن تخلي النتيجة متظهرش.
