تشابي ألونسو يرغب في تعزيز ريال مدريد بصفقات ناريه من العيار الثقيل
كشفت جريده ماركا الاسبانيه عن صوره مثيره، جمعت صفقات محتمله ممكن انها تكون علي قائمه رغبات تشابي الونسو، المدرب اللي الكل بيقول إنه ممكن يخلف كارلو انشيلوتي في تدريب فريق ريال مدريد.
اكتر اسم اتكرر في وسط الملعب هو مارتن زوبيميندي، لان الجهاز الفني شايف انه مناسب جدا للمركز ده، بس ف نفس الوقت، رئيس النادي فلورنتينو بيريز عنده اعجاب خاص برودري لاعب مانشستر سيتي، وده ممكن يغير الخطه، وكمان في خيار تالت موجود وهو اللاعب الأرجنتيني اليكسيس ماك الستر اللي بيلعب دلوقتي مع ليفربول.
ماركا كمان اتكلمت عن امكانيه قدوم الظهير الانجليزي ترينت الكسندر ارنولد من ليفربول، ودي صفقه لو حصلت هتكون مهمه جدا للجبهه اليمني بسبب المهارات الكبيره اللي عنده سواء دفاعيآ او هجوميآ.
بالنسبه للدفاع، الصحيفه قالت ان المدافع الشاب دين هويسين هو الهدف الاول، بس مش هو الوحده، في كمان اسماء تانيه مطروحه زي وليام ساليبا، لي نورماند، وابراهيما كوناتي.
وفي النهايه الهجوم، وده اهم حاجه عند الريال، فا كان طبيعي نلاقي اسم النجم النرويجي ايرلينغ هالاند ضمن الاهتمامات، وتشابي شايف انه هو اللي ممكن يعمل الفرق الكبير في الهجوم ويفرق في دوري الابطال.
الاداره دلوقتي في مرحله دراسه كل حاجه وبتحاول تحدد الانسب، والايام الجايه ممكن تكشف مفاجأت كبيره.
