لامين جمال مستمر أساسي في تشكيل فليك رغم كل العروض
صحيفه آس الإسبانيه نزلت تقرير جديد عن لامين جمال، النجم الصاعد في برشلونه، وقالت فيه إن فليك، مدرب الفريق، متمسك باللاعب جدًا ورافض يخرجه من التشكيله الأساسيه، وده واضح من عنوانهم “لامين لا يغادر تشكيله فليك”.
من اول السنه الجديده 2025، لامين لعب اساسي في 24 ماتش من اصل 25، وده بيأكد ان فليك شايف فيه حاجه كبيره ومقتنع بموهبته، ومش بيفكر يسيبه عالدكه ولا حتى يوافق على العروض اللي بتجيله من برا.
اللاعب صاحب الـ16 سنه تقريبا بيعيش موسم استثنائي مع برشلونه، ولحد دلوقتي لعب معاهم 41 مباراه في كل البطولات سواء الدوري او الكأس او دوري الابطال، وسجل 12 هدف وصنع 13، وده رقم كبير جدا بالنسبه لسنه.
في ناس كانت بتتكلم عن إن ممكن يخرج إعاره أو يتباع بمبلغ كبير خصوصا إن فيه انديه كبيره في إنجلترا مهتمه بيه، بس فليك حسم الموضوع وقال بطريقه غير مباشره إنه جزء اساسي من مشروعه ومش هيكون فيه تفريط فيه.
الجمهور كمان متعلق بيه جدا، وكل مباراه بيحسوا إنه قادر يعمل الفرق، وده اللي خلى الكل يتكلم عنه، سواء الإعلام ولا حتى المنافسين اللي بيفكروا إزاي يوقفوه.
لامين جمال حاليآ واحد من اهم لاعبين الفريق، وشكله هيكون ركيزه في المستقبل كمان.
