غيابات مؤثره في تمرين ريال مدريد قبل مواجهه بلباو المهمه
في التدريب الاخير لفريق ريال مدريد قبل مباراته المنتظره ضد أتلتيك بلباو في الجوله 32 من الدوري الإسباني، غاب النجم الفرنسي كيليان مبابي، بسبب إنه لسه بيعاني من تورم في الكاحل ومقدرش يشارك مع الفريق في المران.
غياب مبابي بييجي في وقت حساس جدا، خصوصآ بعد خروج الفريق من البطوله الأوروبيه، والمنافسه دلوقتي بقت مركزه بشكل كامل على الليغا، والماتش الجاي مش سهل أبدآ.
مش بس مبابي اللي غاب، كمان فيه لاعيبه تانيه مهمه مقدرتش تكون موجوده في التمرين زي فيرلان ميندي، وميليتاو، وداني كارفاخال، وكلهم عندهم مشاكل بدنيه بتمنعهم من المشاركه مع باقي اللاعبين.
باقي عناصر الفريق كانت موجوده في التمرين، والمدرب انشيلوتي حاول يجهز اللعيبه بأفضل طريقه ممكنه، لأنه عارف إن أي غلطه دلوقتي ممكن تكلفهم الدوري.
الجمهور المدريدي قلقان شويه من الإصابات، لأن الفريق بيمر بفتره صعبه، ولازم كل النجوم يكونوا جاهزين، خصوصآ في خط الدفاع والهجوم.
اللافت كمان إن غياب مبابي لو استمر، هيأثر على خطه الفريق قدام بلباو، اللي معروف إنه خصم عنيد وبيقدم كوره قويه، خصوصآ في المواجهات الكبيره.
دلوقتي الكل مستني يشوف القائمه النهائيه للمباراه، وهل مبابي هيقدر يرجع بسرعه؟ ولا هيضطر انشيلوتي يغير خطته؟ الأيام الجايه هتكشف كل حاجه.
