اتفاق سري بين ريال مدريد وانشيلوتي على الرحيل بعد الموسم
أكدت صحيفه ماركا الإسبانيه إن فيه اتفاق تم خلاص بين اداره نادي ريال مدريد والمدرب الإيطالي كارلو انشيلوتي، بخصوص رحيله عن الفريق مع نهايه الموسم الحالي، بعد ما قضى فتره ثانيه ناجحه مع الميرينجي حقق فيها بطولات مهمه.
الخبر بيأكد إن الاتنين، النادي والمدرب، متفاهمين على القرار، بس قررو ما يعلنوهوش دلوقتي علشان يحافظو على هدوء الفريق وتركيزه، خصوصآ إن الريال لسه بينافس على لقب الدوري الاسباني، وكمان عنده نهائي كأس الملك.
حسب ماركا، إدارة الريال ناويه تودع انشيلوتي بطريقه تليق باسمه الكبير، باعتباره واحد من اعظم المدربين اللي مرّوا على تاريخ النادي، واللي قدر يبني فريق قوي سواء في فترته الاولى أو التانيه، والكل بيكنله احترام كبير.
بس في نفس الوقت، الطرفين هيطلعو دايمآ في الإعلام ينفو إن فيه أي اتفاق، وده طبعآ علشان ما يتشتتش اللاعبين أو يحصل ضغط عليهم قبل المباريات الحاسمه الجايه.
جمهور الريال منقسم حاليآ، فيه ناس شايفه إن وقت التغيير قرب، وفيه اللي عايز استمرار انشيلوتي لأنه جاب استقرار للفريق، لكن القرار يبدو إنه خلاص اتاخد.
الايام الجايه هتكشف تفاصيل اكتر، بس الواضح إن ريال مدريد بيجهز لعصر جديد بعد انشيلوتي، ويمكن نشوف اسم جديد يقود الفريق الموسم الجاي.
