كشف الصحفي كريس باسكومب في تقرير نشره بصحيفه تيليغراف البريطانيه، إن نادي ليفربول بقى عنده استعداد يسمع للعروض اللي ممكن توصل بخصوص المهاجم داروين نونيز، خلال سوق الانتقالات الصيفي اللي جاي، بعد موسمين ما قدمش فيهم المستوى اللي الجماهير كانت مستنياه منه.
نونيز اللي جه من بنفيكا في صفقه كبيره وقتها وصلت لحوالي 80 مليون جنيه استرليني، الناس كانت شايفه إنه هيكون المهاجم رقم واحد بعد رحيل فيرمينو وماني، بس اللي حصل غير كده، اللاعب ما قدرش يثبت نفسه بشكل كافي.
الصحفي قال كمان إن نونيز مش لايق على اسلوب اللعب سواء مع يورغن كلوب اللي كان بيعتمد على الضغط العالي، ولا مع المدرب الحالي أرني سلوت اللي بيحب السيطره والتنظيم، وده خلّى نونيز يظهر بشكل عشوائي في كتير من المباريات.
ومن وقت ما جه سلوت، بدأ يفضل لعيبه زي دييغو جوتا ولويس دياز في الخط الامامي، وده خلّى وضع نونيز في الفريق يبقى مش واضح، خصوصآ في المباريات الكبيره.
ومع رغبه ليفربول في تدعيم الهجوم بصفقات جديده، مفيش مانع عندهم يوافقو على بيع نونيز، لو جالهم عرض كبير ومناسب.
الايام الجايه هتحدد مصير اللاعب، وهل هيكمل مع الريدز ولا هيدور على فرصه تانيه في مكان مختلف؟ الجمهور مستني يشوف القرار النهائي.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
