لامين جمال ياخد مكانه ثابته مع فليك رغم تغييره دايمًا
أكدت صحيفه “آس” الإسبانيه إن النجم الشاب لامين جمال بقى واحد من أهم لعيبة برشلونه عند المدرب الألماني هانز فليك، وده رغم إن فليك بيبدّله كتير أثناء الماتشات، إلا إنه دايمآ بيبدأ بيه في التشكيله الأساسيه.
الإحصائيات بتقول إن لامين شارك من بدايه سنه 2025 في 24 مباراه كأساسي من أصل 25 لعبهم الفريق، وده رقم كبير جدًا للاعب عمره لسه 17 سنه بس، وده يبين الثقه الكبيره اللي فليك عنده في الولد ده.
المره الوحيده اللي ما بدأش فيها لامين كانت قدام فريق باربسترو في كاس ملك إسبانيا، ومن وقتها، فليك ما استغناش عنه ولا ماتش، وشارك تقريبا في كل الدقايق.
هو غاب عن الملعب 157 دقيقه بس من أصل 2160 دقيقه ممكنه، يعني تقريبًا لعب 92.7٪ من وقت الفريق، وده رقم مش سهل، خصوصآ لحد صغير زيه.
واضح إن لامين بقى ركيزه أساسيه في خطه فليك، واللي بيتفرج على ماتشات برشلونه يلاحظ ده بسهوله، لانه بيشكل خطوره دايمه من الجبهه اليمين وسرعته ومهاراته بتفرق في الهجمات.
الجمهور بقى متعود يشوفه في كل ماتش، وبقى في ناس بتقول إنه خلاص حجز مكانه زي الكبار، رغم إنه لسه في بدايه المشوار، بس اللي بيقدمه مبشر جدًا وبيخليه تحت الأضواء دايمآ.
