سبب غياب نونيز عن لقاء وست هام مش مرض زي ما اتقال
كشفت صحيفه تيليغراف الإنجليزيه من خلال الصحفي كريس باسكومب إن غياب داروين نونيز مهاجم ليفربول عن مباراه وست هام الأخيره مش كان علشان المرض زي ما الناس افتكرت، لكن الحقيقه إن في تصرف من اللاعب خلا الإداره تاخد قرار تأديبي ضده.
التقارير قالت إن نونيز راح مقر التدريبات قبل يوم واحد من الماتش، لكنه دخل وخرج على طول من غير ما يشارك في التمرين، وده خلا المدرب أرني سلوت يستبعده من القائمه النهائيه للمباراه.
سلوت قال في تصريحه للصحافه إن اللاعب “ماكنش في حالته الطبيعيه”، لكن ساب الموضوع مفتوح شوية لما قال إن نونيز وقف التمرين فجأه، وده خلّى الناس تشك إن في حاجه بتحصل جوه النادي محدش عايز يصرح بيها.
القصه دي خلت الجماهير تبدأ تسأل أكتر عن مستقبل نونيز، خصوصًا إن مستواه مش مستقر من أول الموسم، وماسجلش غير 7 أهداف بس في 42 ماتش، وده رقم ضعيف جدًا بالنسبه لمهاجم أساسي.
ناس كانت متفائله إن سلوت يقدر يطلع أفضل ما عنده، بس لحد دلوقتي مفيش حاجه واضحه، وكل شويه بيزيد الكلام عن احتماليه رحيله في الصيف لو جال النادي عرض كويس.
هل نونيز فعلاً بيفكر يغير وجهته؟ ولا القصه كلها كانت سوء تفاهم؟ الله أعلم، بس الأكيد إن الوضع مش مستقر دلوقتي.
