برشلونة يخصص معالج شخصي لداني أولمو لتحضيره للموسم المقبل بعد الإصابات
أكد الصحفي ميغيل ريكو إن نادي برشلونة قرر يعين معالج شخصي للاعب داني أولمو خلال الفترة التحضيرية للموسم القادم، تمامًا زي ما عملوا قبل كده مع بيدري، عشان يجهزوه بدنيًا بشكل مثالي للموسم الجديد.
القرار ده جاي بعد سلسلة الإصابات اللي تعرض ليها أولمو في الموسم ده، واللي أثرت على استمراريته وأداءه مع الفريق.
برشلونة عايز يضمن إن اللاعب يقدر يقدم أفضل ما عنده ويكون جاهز بشكل كامل طول الموسم اللي جاي.
إدارة الفريق بتأمل إن تخصيص معالج شخصي لأاولمو يساعد في تقليل معدل الإصابات اللي ممكن يتعرض ليها، ويعزز جاهزيته البدنية.
أما عن أرقام أولمو في الموسم ده، فهو شارك في 29 مباراة مع برشلونة، لعب 1412 دقيقة، سجل 8 أهداف وقدم 5 تمريرات حاسمة.
أرقامه تعتبر جيدة، لكن برشلونة بيأمل إنه يقدر يستفيد من قدراته أكثر لو قدر يحافظ على لياقته البدنية بشكل مستمر.
الكل في برشلونة متفائل إن الخطوة دي هتساعد أولمو على العودة بقوة في الموسم المقبل، خاصة إن الفريق في حاجة لجهوده بعد الإصابات المتكررة في الفترة الأخيرة.
