ذكرت تقارير صحفيه إسبانيه ان رابطة الدوري الإسباني لكرة القدم رفضت الطلب اللي قدمه نادي برشلونه بشأن تغيير موعد مباراته ضد بلد الوليد، واللي كان الهدف منه تقديم اللقاء لوقت العصر بدال من الليل.
الطلب دا جا من إدارة برشلونة علشان الفريق يقدر يحصل على وقت راحة واستشفاء أكبر قبل السفر لميلانو، عشان يواجه إنتر ميلان في إياب نصف نهائي دوري أبطال أوروبا، المباراه اللي ممكن تحدد مصير الموسم كله.
لكن الرابطة رفضت الطلب، وقررت تثبيت الموعد زي ما هو، ودا معناه إن الفريق هيرجع متأخر جدًا لبرشلونة بعد ماتش بلد الوليد، وده هيأثر سلبي على اللاعبين من الناحية البدنية.
فيه مصادر بتقول إن الجهاز الفني كان قلقان من ضغط الجدول، خاصة إن الوقت بين المبارتين قصير جدًا، وإنهم كانوا محتاجين يوم إضافي للراحة والنوم، لأن دا بيساهم في استعادة اللياقة وتجنب الإصابات.
القرار دا مخلي جماهير البرسا مش راضية، خصوصًا إن الفريق بيلعب على أكتر من جبهة وعايز يكون جاهز بدنيًا ونفسيًا قبل مواجهة إنتر اللي تعتبر الأهم حاليًا.
المدرب هانز فليك لسه ما علّقش رسمي على القرار، بس من المتوقع إنه يعيد النظر في برنامج الفريق التدريبي بسبب الظروف دي، ويحاول يوازن بين الراحة والاستعداد.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
