حسام حبيب بيرجع بألبوم جديد وبيفتح باب للمواهب تشاركه الغنا
اعلن المطرب حسام حبيب عن مسابقة لاكتشاف المواهب الجديده في الغنا، وده علشان يشاركوا معاه في ألبومه الجديد اللي ناوي ينزله قريب، بعد فتره غياب طويله عن الساحه الفنيه.
ومن خلال صفحته الرسميه على فيسبوك كتب حسام لو شاعر او ملحن او موزع وعايز تشاركني بأغنيه من شغلك، الفرصه قدامك دلوقت المشروع ده بمشاركه الجمهور، وهختار أغنيه من تأليف أحد المتابعين علشان تبقى ضمن الألبوم الجديد، بس لازم الشغل يكون أصلي 100% ومن صنع إيدك
حسام كمان قال إن الألبوم هيكون على جزئين، كل جزء فيهم فيه 5 أغاني، والجزء التاني هيكون في أغسطس الجاي وأكد إن الألبوم من إنتاجه الخاص، بمشاركه شركه إنتاج كبيره هيعلن عنها قريب.
المطرب كمان كشف عن مشاركته في فيلم السلم والثعبان 2 كمغني وملحن، وأشار إن الفيلم هيكون علامه مهمه في الأفلام الرومانسيه، تحت إشراف طارق العريان.
وختم كلامه بتأكيده إنه بيدعم المواهب الشابه، وعايز يديهم فرصه حقيقيه للظهور في الساحه الفنيه.
