موسم أفلام عيد الفطر 2025 مولع نار، والأفلام محققه أرقام قويه جدًا في شباك التذاكر، وخصوصًا في الويك إند اللي فات لكن في فيلم واحد خطف الكاميرا من الكل وهو سيكو سيكو اللي بيتصدر الإيرادات من يوم ما نزل.
الفيلم اللي من بطوله عصام عمر وطه دسوقي عمل إيرادات عاليه جدًا يوم الجمعه وصلت لـ3,413,990 جنيه وده خلى الفيلم في المركز الاول بدون منافس، متفوق على باقي الأفلام بفارق كبير جدًا، وده يوضح قد إيه الناس حبت الفيلم وتفاعلت معاه.
اما المركز التاني فكان لفيلم الصفا الثانويه بنات اللي جاب 296,029 جنيه، وهو بطوله علي ربيع وأوس أوس وكوكبه من النجوم أما فيلم نجوم الساحل دخل التالت بـ289,351 جنيه، وفيه أحمد داش ومايان السيد وغيرهم.
فيلم استنساخ لسامح حسين فضّل في المركز الرابع وحقق 202,357 جنيه، أما فار بـ7 أرواح نزل للمرتبه الأخيره وحقق بس 22,545 جنيه، وده كان آخر فيلم للراحل سليمان عيد.
السينما راجعه بقوه، والمنافسه بين الأفلام قويه جدًا، وسيكو سيكو واضح إنه مكمل نجاحه.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
